Tere ishq ki inteha chaahta hooN by Iqbal

iqbal  poetry / ghazals  urdu poems

Tere ishq ki inteha chaahta hooN
Meri saadgi dekh kya chaahta hooN

Sitam ho K ho wadaa E be-hijaabi
Koi baat sabr-aazma chaahta hooN

Yeh Jannat mubarak rahe zaahidoN ko
K maiN apka saamna chaahta hooN

Zara sa to dil hooN magar shauq itna
Wohi lantaraani suna chaahta hooN

Koi dum ka mehmaan hooN ae ahl E mahfil
Chirag E sehar hooN bujha chaahta hooN

Bhari bazm meN raaz ki baat kahdi
BaRa be-adab hooN sazaa chaahta hooN

Related Posts Plugin for WordPress, Blogger...

Share this post

Post Comment