Parveen shakir poetry love Poetry sms in Urdu, English and Hindi

Parveen Shakir urdu poetry sms

Bohat se log they mehmaan mere ghar lekin,
Wo janta tha k hey ehtamam kis k liye..

 

Marney se bhi pehle mar gaye they,
Jeeney se kuch aese dar gaye they,

Rastey mein jahan talak diye they,
Saarey mere hamsafar gaye they,

Aankhain abhi khul nahin saki thi’n,
Aur khawb mere bikhar gaye they,

Jab tak na khila tha us ka waada,
Mausam mere be’samar gaye they,

Ab tak wohhi nasha e paziraayi*,
Kya jaaniye hum kidhar gaye they..

 

 

Rasta hi neya hai, na main anjaan bohat hoon,
Phir kuye’malaamat mein hoon, nadaan bohat hoon,

Ik umar jisey khawab ki manind hi dekha,
Chooney ko mila hai to pareshaan bohat hoon,

Mujh mein kabhi aahat ki tarah se koi aye,
Ik band gali ki tarah sunsaan bohat hoon,

Uljhen ke keyi baar abhi lafz se mafhoom,
Saada hai bohat woh, na main asaan bohat hoon..

 

 

Ab Kaisi Pardah-Daari , Khabar Aam Ho Chuki
Maa Ki Rida Tou, Din Howe, Neelaam Ho Chuki

Ab Aasmaa.n Se Chadar-e Shab Aaye Bhi Tou Kiya
Be-Chadari Zameen Pe iLzaam Ho Chuki

Ujrey Howe Diyaar Pe Phir Kiun Nigah Hai
Is Kasht Per Tou Barish-e-Ikraam Ho Chuki

Sooraj Bhi Os Ko Dhoond Ke Wapas Chala Gaya
Ab Ham Bhi Ghar Ko Lout Chalain Shaam Ho Chuki

Shimley Sambhaaltey Hee Rahay Maslehat Pasand
Hona Tha Jis Ko Pyaar Main Bad-Naam Ho Chuki

Aankhain Hain Aur Subha Talak Tera Intezaar
Mishal Bad’dast Raat Terey Naam Ho Chuki

Koh-e-Nida Se Bhi Sukhan Utrey Agar, Tou Kiya
Na-Sameoo.n Main Hurmat-e-iLhaam Ho Chuki

 

 

Dasht-E-dariya k us paar kahan tak jati,
Ghar ki deewar thi mere yaar kahan tak jati,
.
Mitt gayi hasrat-E-deedar bhi rafta rafta,
Hijar mein hasrat-E-deedar kahan tak jati,
.
Thak gaye hont tera naam bhi lete lete,
Aik hi lafz ki takraar kahan tak jati,
.
Rehbar us ko Saraapon mein liye phirte they,
Khalqat-E-shehar thi beemar kahan tak jati,
.
Tu bohat door bohat door gaya tha mujh se,
Meri Aawaz mere yaar kahan tak jati…

Related Posts Plugin for WordPress, Blogger...

Share this post

Post Comment